ტროტუარზე დგომის საქმეზე, მიხეილ ზაქარეიშვილსა და ლუკა ნაგლიაშვილს 5-5-დღიანი ადმინისტრაციული პატიმრობა შეეფარდათ
აქტივისტებს, მიხეილ ზაქარეიშვილსა და ლუკა ნაგლიაშვილს 5-5-დღიანი ადმინისტრაციული პატიმრობა შეეფარდათ.
მათ შინაგან საქმეთა სამინისტრო პარლამენტის წინ, ტროტუარზე დგომას და მოქალაქეებისთვის გზის შეფერხებას ედავებოდა.
აღსანიშნავია, რომ სასამართლომ, დღეს, იგივე ფაქტთან დაკავშირებით ადმინისტრაციულ სამართალდამრღვევად ცნო სანდრო მეგრელიშვილი და დიმიტრი ჯამბურია. მათ 4-4 დღიანი ადმინისტრაციული პატიმრობა შეეფარდათ.
სიტყვიერი გაფრთხილება მიეცა აქტივისტ ანი ახმეტელს, რომელიც ასევე სამართალდამრღვევად ცნეს.