ოკუპირებული ცხინვალის ე.წ. პრეზიდენტმა ალან გაგლოევმა „მთავრობა“ დაითხოვა
ოკუპირებული ცხინვალის ე.წ. პრეზიდენტმა ალან გაგლოევმა ხელი მოაწერა ბრძანებულებას „მთავრობის“ დათხოვნის შესახებ, - ინფორმაციას გაგლოევის პრესსამსახური ავრცელებს.
მათივე ინფორმაციით, გაგლოევმა ე.წ. პრემიერ-მინისტრი კონსტანტინე ჯუსოევი „თანამდებობიდან“ გაათავისუფლა და „პრემიერ-მინისტრის“ მოვალეობის შემსრულებლად ე.წ. ვიცე-პრემიერი ძამბოლატ თედეევი დაინიშნა.
გაგლოევმა ე.წ. მინისტრთა კაბინეტს ახალი „მთავრობის“ ფორმირებამდე თავისი მოვალეობების შესრულება დაავალა.