ერთ პირი დაკვამლიანების გამო შეუძლოდ გახდა, არსებული ინფორმაციით, ხანძარი მესამე სართულზე, მაღაზიაში გაჩნდა - რა დეტალები ხდება ცნობილი სავაჭრო ცენტრ "კიდობანში" გაჩენილ ხანძართან დაკავშირებით
სავაჭრო ცენტრ “კიდობანში” ხანძრის ქრობის სამუშაოები გრძელდება.
ადგილზე მობილიზებულია სახანძრო და სამაშველო სამსახურის მანქანები.
ერთ პირს, რომელიც დაკვალიანების გამო შეუძლოდ გახდა, სასწრაფო დახმარების მანქანაში დახმარება აღმოუჩინეს.
არსებული ინფორმაციით, ხანძარი სავაჭრო ცენტრის მესამე სართულზე, ერთ-ერთ მაღაზიაში გაჩნდა.
ამ ეტაპზე ხანძრის გამომწვევი მიზეზი უცნობია. დაშავებულების შესახებ ინფორმაცია ამ დროისთვის არ ვრცელდება.