"სამგზავრო მატარებელი, რკინიგზის გადასასვლელზე მუნიციპალურ ავტობუსს შეეჯახა - მომხდარის დეტალები თურქეთიდან
თურქეთში, ქალაქ დიარბაქირში, სამგზავრო მატარებელი, რკინიგზის გადასასვლელზე მუნიციპალურ ავტობუსს შეეჯახა. ინფორმაციას თურქული მედია ავრცელებს.
მედიის ცნობით, შეჯახების დროს ავტობუსში მხოლოდ მძღოლი იმყოფებოდა, რომელმაც ტრავმები მიიღო.
შეჯახების შემდეგ, მატარებელმა ავტობუსი რამდენიმე მეტრის მანძილზე გაათრია და გაჩერდა. სხვა დაშავებულების შესახებ ინფორმაცია არ ვრცელდება.