რა ღირს ერთი გრამი ოქრო და ვერცხლი საქართველოში? - პალიტრა ვიდეო

საქართველოში ოქროს ფასი სტაბილურ ნიშნულზე ნარჩუნდება. ამ დროისთვის თბილისის ოქროს ბირჟაზე 999-სინჯიანი 1 გრამი ოქრო 387 ლარი ღირს, 750-სინჯიანი - 290 ლარი, ხოლო 585-სინჯიანი 1 გრამი ოქროს ფასი 226 ლარია.

მცირედით გაიზარდა ვერცხლის ღირებულება. კერძოდ, დღეს 800 სინჯის 1 გრამი ვერცხლი 4.83 ლარი ღირს, ხოლო 999 სინჯის - 6.04 ლარი.

მსოფლიო ბირჟებზე კი ერთი უნცია ოქრო, თბილისის დროით 13:00 საათისთვის, 4 326 დოლარი ღირს, რაც ერთდღიან პერიოდში 0.12%-ით შემცირებული ფასია. 0.87%-ით არის გაზრდილი ვერცხლის ფასი, ამ დროისთვის ერთი უნცია ბირჟებზე 65.84 დოლარი ღირს.