პარლამენტთან საპროტესტო აქცია განახლდა
პარლამენტთან საპროტესტო აქცია განახლდა. პარლამენტის წინ საპოლიციო კორდონია მოწყობილი, რათა აქციის მონაწილეებმა რუსთაველის გამზირზე საავტომობილო გზა არ გადაკეტონ.
ჯერჯერობით უცნობია, გამართავენ თუ არა მსვლელობას აქციის მონაწილეები.
არსებული ინფორმაციით, პოლიციის მოთხოვნის დაუმორჩილებლობისთვის აქციის ერთ-ერთი მონაწილე, სოფო მარკოზია დააკავეს. უწყვეტი პროტესტის 360-ე დღესაც მოქალაქეები საკანონმდებლო ორგანოსთან უცვლელი მოთხოვნებით შეიკრიბნენ - დაინიშნოს ახალი საპარლამენტო არჩევნები და გათავისუფლდნენ აქციების ფარგლებში დაკავებული პირები.