"ახლა რაც ხდება, ეს არის სუფთა პროვოკაცია, რომელიც არ ვიცი, ვისი სცენარითაა დაგეგმილი - ეს არის მცდელობა, რომ მშვიდობიანი პროტესტი დაშალონ" - სალომე ზურაბიშვილი
აქ ვინც დგას, არავის სჯერა სასწაულების, აქ ვინც დგას არ სჯერა პროვოკაციების, ახლა რაც ხდება, ეს არის სუფთა პროვოკაცია, რომელიც არ ვიცი, ვისი სცენარით არის დაგეგმილი, მაგრამ ეს არის მცდელობა, რომ დღეს რაც ეწინააღმდეგება ნამდვილად რეჟიმს, ანუ მშვიდობიანი პროტესტი, ეს ან დაშალონ ან გააქციონ აქედან, - ამის შესახებ რუსთაველის გამზირზე აქციაზე მისულმა საქართველოს მეხუთე პრეზიდენტმა სალომე ზურაბიშვილმა განაცხადა, რითაც ათონელის საპრეზიდენტო სასახლესთან განვითარებულ მოვლენებს გამოეხმაურა.
მისი თქმით, მშვიდობიანი აქცია უნდა გაგრძელდეს და ხვალ ბევრად მეტი ადამიანი უნდა მივიდეს რუსთაველზე.
ვიდეო: "TV პირველი"