"საშინელი დაავადების დიაგნოზი დამისვეს" - რას ამბობს კრემლის პროპაგანდისტი მარგარიტა სიმონიანი მის ჯანმრთელობის მდგომარეობაზე
ჟურნალისტ მარგარიტა სიმონიანს, რომლის მეუღლეც, ტიგრან კესოიანი, დიდი ხანია, კომატოზურ მდგომარეობაშია, მძიმე დაავადება აღმოაჩნდა. მას ოპერაცია უახლოეს მომავალში ჩაუტარდება. ამის შესახებ, პუტინის მეხოტბე, 45 წლის მედიამენეჯერმა თავად განაცხადა "რასია 1"-ის ეთერში, ვლადიმერ სოლოვიოვის გადაცემაში.
"ეს, როგორც ამერიკაში ამბობენ, ქამინგ-აუთია. დიდხანს ვფიქრობდი, საერთოდ მოვსულიყავი თუ არა ეთერში. როცა უკვე დარწმუნებული ვიყავი, რომ აღარ მოვიდოდი და ალბათ, არასდროს მოვიდოდი, პატრიარქმა კირილიმ ხელი ჩამკიდა და მითხრა: "შენ მებრძოლი ხარ". ამიტომ ჩავთვალე, რომ ვალდებული ვიყავი მოვსულიყავი და სიმართლე მეთქვა.
როგორც ჩვენთან, რუსეთში ამბობენ, უბედურება რომ მოვა - კარი გააღეო. ჰოდა, ჩვენს სახლში კარი უკვე მოგლეჯილია. ამ კვირის განმავლობაში მძიმე, საშინელი დაავადების დიაგნოზი დამისვეს, ხვალ ოპერაცია მაქვს სწორედ აქ - ამ ორდენის ქვეშ", - განაცხადა სიმონიანმა და მკერდის მარცხენა მხარეს მიანიშნა, სადაც მას წმინდა თანასწორ მოციქულთა მთავრის, ოლღას სახელობის III ხარისხის ორდენი ეკიდა. ჯილდო მას ერთი დღით ადრე რუსეთის მართლმადიდებელი ეკლესიის მეთაურმა გადასცა.
პატრიარქი კირილი და მარგარიტა სიმონიანი მარგარიტას არ დაუკონკრეტებია, თუ რა დაავადებაზეა ლაპარაკი. თუმცა, საუბრისას მან თავი "ახალგაზრდა გვარდიის" გმირ გოგონებს შეადარა. "რომლებმაც იცოდნენ, რომ მათ მკერდს ცოცხლად მოაჭრიდნენ, არა ნარკოზით, როგორც მე..." - განაცხადა ჟურნალისტმა.
ტიგრან კესოიანი და მარგარიტა სიმონიანიშეგახსენებთ, დეკემბრის ბოლოს სიმონიანმა განაცხადა, რომ მისი ქმარი გულის პრობლემების გამო კომაში ჩავარდა. 59 წლის კესოიანი დღემდე მართვით სუნთქვაზეა და მარგარიტას თქმით, ექიმები მას გამოჯანმრთელების იმედს არ აძლევენ. წყვილს სამი შვილი ჰყავს, რომელთაგან ყველაზე უმცროსი ხუთი წლისაა.