კიევში რუსული ძალების დარტყმების შედეგად დაღუპულთა რაოდენობა 15-მდე გაიზარდა, მათ შორის 4 ბავშვია
კიევში რუსული ძალების დარტყმების შედეგად დაღუპულთა რაოდენობა 15-მდე გაიზარდა, - ინფორმაციას უკრაინული მედია ავრცელებს.
უკრაინის დედაქალაქის საქალაქო-სამხედრო ადმინისტრაციის ხელმძღვანელის, ტიმურ ტკაჩენკოს ცნობით, რუსული ძალების მიერ კიევზე განხორციელებული დარტყმების შედეგად დაღუპულთა რიცხვი 15-მდე გაიზარდა, მათ შორის 4 ბავშვია.
უკრაინის შინაგან საქმეთა მინისტრის, იგორ კლიმენკოს განცხადებით, 10 ადამიანი უგზო-უკვლოდ დაკარგულად ითვლება.
„დარტყმების ადგილზე სამძებრო-სამაშველო სამუშაოები გრძელდება“, - აცხადებს უკრაინის შინაგან საქმეთა მინისტრი.