რუსთაველის გამზირზე საპროტესტო აქცია მიმდინარეობს - მოქალაქეებმა საავტომობილო გზა გადაკეტეს
რუსთაველის გამზირზე საპროტესტო აქცია განახლდა. უწყვეტი პროტესტის 268-ე დღესაც, საკანონმდებლო ორგანოსთან შეკრებილმა მოქალაქეებმა საავტომობილო გზა გადაკეტეს. აქციას შეუერთდნენ საზოგადოებრივი მაუწყებლის ძველი შენობის ეზოდან წამოსული მარშის მონაწილეები.
დემონსტრანტების მოთხოვნები უცვლელია - დაინიშნოს ახალი არჩევნები და გათავისუფლდნენ აქციების პერიოდში დაკავებული პირები.
აქციის მონაწილეებს ადგილზე მიტანილი აქვთ საქართველოს, აშშ-ის, ევროკავშირისა და უკრაინის დროშები.