"მშვიდობით არა, ნახვამდის!" - ცნობილი მომღერლები მამუკა ჩარკვიანს ემშვიდობებიან - პალიტრა ვიდეო

მომღერალ მამუკა ჩარკვიანს ცნობილი მომღერლები სოციალურ ქსელში ემშვიდობებიან:

"ფერისცვალებას ფერი იცვალა გენიოსმა და დარჩა ლეგენდის შესასვლელში სამარადჟამოდ, ვიდრე საქართველო იარსებებს!" - წერს ლაშა ღლონტი.

"ჩამოთოვა ისევ იისფერი მთები...

მშვიდობით მაესტრო, ბედნიერი ვარ რომ მქონდა პატივი გიცნობდით ახლოს. მადლობა ყველაფრისთვის, მშვიდობით არა, ნახვამდის! ღმერთმა აცხოვნოს თქვენი სული... ძალიან მეწყინა" - ნინი შერმადინი.

"წავიდა და დაგვიტოვა დიდი ტკივილი, დიდ მუსიკასთან ერთად." - ანრი ჯოხაძე.

ცნობისთვის, ქართველი მუსიკოსი, კომპოზიტორი, მამუკა ჩარკვიანი 69 წლის ასაკში გარდაიცვალა. ინფორმაციას მისი ახლობლები სოციალურ ქსელში ავრცელებენ.

მამუკა ჩარკვიანს მიღებული აქვს სიმღერის ფესტივალ "ლიგას" პირველი პრემია - ნომინაცია ქართული ტრადიციული სიმღერა - სიმღერისთვის "მწვანე რტოები" (1996), XX საუკუნის საუკეთესო სიმღერის პრიზი სიმღერისთვის "მაღლა და მაღლა" (1999), ოქროს დისკი ნომინაცია - წლის საუკეთესო სიმღერა - სიმღერებისთვის: "ჩემი აღარა ხარ", "გაზაფხული, "აპრილი" და "დედის ჯერი". 2014 წლის 10 მაისს, ფილარმონიის დიდი საკონცერტო დარბაზის წინ გაიხსნა მამუკა ჩარკვიანის ვარსკვლავი.

2023 წელს გახდა თბილისის საპატიო მოქალაქე. 2000 წელს დაჯილდოვდა ღირსების ორდენით.