რას ამბობს ირაკლი კობახიძე თბილისის მერობის კანდიდატად ირაკლი კუპრაძის წარდგენის შესახებ?
რადიკალურ ოპოზიციაში არის სერიოზული სისუსტე. ჩვენი მოლოდინი არის კახი კალაძის გამარჯვება პირველ ტურში და საკრებულოში 50-იდან მინიმუმ, 38 მანდატი. გუშინდელმა დღემ კიდევ ერთხელ დაადასტურა, რომ ჩვენ ვართ ამ მიზანთან ძალიან ახლოს, - ასე უპასუხა პრემიერ-მინისტრმა ირაკლი კობახიძემ ჟურნალისტების კითხვას, რომელიც „ლელო-ძლიერი საქართველოსა“ და „გახარია საქართველოსთვის“ თბილისის მერობის ერთობლივ კანდიდატად, ირაკლი კუპრაძის წარდგენას შეეხებოდა.
როგორც კობახიძემ განაცხადა, „ქართული ოცნების“ მიზანია 64 -ვე მუნიციპალიტეტში გამარჯვება.