საპატიო დახვედრა, კომპლიმენტი ზელენსკის კოსტიუმს და ტრამპის მხარდაჭერა უკრაინას - თეთრ სახლში ორი ქვეყნის ლიდერის შეხვედრა გაიმართა: მნიშვნელოვანი დეტალები - პალიტრა ვიდეო

ვო­ლო­დი­მირ ზე­ლენ­სკი თეთრ სახ­ლში მი­ვი­და. უკ­რა­ი­ნის პრე­ზი­დენტს თეთრ სახ­ლთან აშშ-ის პრე­ზი­დენ­ტი, დო­ნალდ ტრამ­პი სა­პა­ტიო გვარ­დი­ის წევ­რებ­თან ერ­თად დახ­ვდა.

Fox News-ის ცნო­ბით, აშშ-ისა და უკ­რა­ი­ნის პრე­ზი­დენ­ტე­ბის შეხ­ვედ­რა­ში მო­ნა­წი­ლე­ო­ბას მი­ი­ღე­ბენ: აშშ-ის ვიცე-პრე­ზი­დენ­ტი ჯეი დი ვენ­სი, სა­ხელ­მწი­ფო მდი­ვა­ნი მარ­კო რუ­ბიო, თეთ­რი სახ­ლის ად­მი­ნის­ტრა­ცი­ის ხელ­მძღვა­ნე­ლი სუზი უილ­სი, ახლო აღ­მო­სავ­ლე­თის სა­კი­თხებ­ში სპე­ცი­ა­ლუ­რი წარ­მო­მად­გე­ნე­ლი სტივ უიტ­კო­ფი და უკ­რა­ი­ნის სა­კი­თხებ­ში სპე­ცი­ა­ლუ­რი წარ­მო­მად­გე­ნე­ლი კიტ კე­ლო­გი.

„უკ­რა­ი­ნის პრე­ზი­დენ­ტის აქ ყოფ­ნა დიდი პა­ტი­ვია. ვფიქ­რობ, პროგ­რე­სი არის. რო­გორც იცით, ცოტა ხნის წინ რუ­სე­თის პრე­ზი­დენ­ტთან კარ­გი შეხ­ვედ­რა გვქონ­და და არის შე­საძ­ლებ­ლო­ბა, რომ ეს რა­ღაც შე­დეგს გა­მო­ი­ღებს“, - გა­ნა­ცხა­და დო­ნალდ ტრამპმა.

ვო­ლო­დი­მირ ზე­ლენ­სკიმ აშშ-ის პირ­ველ ლე­დის, მე­ლა­ნია ტრამპს გა­ტა­ცე­ბუ­ლი უკ­რა­ი­ნე­ლი ბავ­შვე­ბის შე­სა­ხებ ვლა­დი­მერ პუ­ტი­ნის­თვის წე­რი­ლის გა­და­ცე­მის­თვის მად­ლო­ბა გა­და­უ­ხა­და.

თა­ვის მხრივ, ვო­ლო­დი­მირ ზე­ლენ­სკიმ დო­ნალდ ტრამპს უკ­რა­ი­ნის პირ­ვე­ლი ლე­დის­გან, ოლე­ნა ზე­ლენ­სკას­გან მე­ლა­ნია ტრამ­პის­თვის გან­კუთ­ვნი­ლი წე­რი­ლი გა­დას­ცა.

გარ­და ამი­სა ვო­ლო­დი­მირ ზე­ლენ­სკი მისი კოს­ტი­უ­მის გამო კომ­პლი­მენ­ტიც მი­ი­ღო. ჟურ­ნა­ლის­ტმა, უკ­რა­ი­ნის პრე­ზი­დენტს მი­მარ­თა და აღ­ნიშ­ნა, რომ შე­სა­ნიშ­ნა­ვად გა­მო­ი­ყუ­რე­ბო­და, რა­საც აშშ-ის პრე­ზი­დენ­ტიც და­ე­თან­ხმა.

მხა­რე­ებ­მა ომის შე­ჩე­რე­ბის და მშვი­დო­ბის დამ­ყა­რე­ბის შე­სა­ხებ ისა­უბ­რეს. ზე­ლენ­სკიმ მად­ლო­ბა გა­და­უ­ხა­და ტრამპს ომის შე­ჩე­რე­ბის მცდე­ლო­ბის­თვის.

ტრამპმა გა­ნა­ცხა­და, რომ უკ­რა­ი­ნა უსაფრ­თხო­ე­ბის სა­კი­თხებ­ში „დიდ დახ­მა­რე­ბას“ მი­ი­ღებს.“უსაფრ­თხო­ე­ბის სა­კი­თხში დიდი დახ­მა­რე­ბა იქ­ნე­ბა. ეს კარ­გი იქ­ნე­ბა,“ - გა­ნა­ცხა­და ტრამპმა და აღ­ნიშ­ნა, რომ უსაფრ­თხო­ე­ბის სა­კი­თხებ­ში ევ­რო­პას­თან ერ­თად აშშ-ც იქ­ნე­ბა ჩარ­თუ­ლი.

შე­კი­თხვა­ზე, გაგ­ზავ­ნი­და თუ არა ამე­რი­კელ სამ­შვი­დო­ბო­ებს უკ­რა­ი­ნა­ში, ტრამპმა უპა­სუ­ხა: „შე­საძ­ლოა, ამის შე­სა­ხებ დღეს, მოგ­ვი­ა­ნე­ბით გაც­ნო­ბოთ. დი­დე­ბუ­ლი ქვეყ­ნე­ბის შვიდ შე­სა­ნიშ­ნავ ლი­დერს ვხვდე­ბით და ამა­საც გან­ვი­ხი­ლავთ. ისი­ნი ყვე­ლა­ნი ჩარ­თუ­ლე­ბი იქ­ნე­ბი­ან და ბევ­რი დახ­მა­რე­ბა იქ­ნე­ბა. ჩვენ ყვე­ლას­თან ვი­მუ­შა­ვებთ და უზ­რუნ­ველ­ვყოფთ რომ ყვე­ლა­ფე­რი კარ­გად იყოს. ჩვენ ვი­მუ­შა­ვებთ რუ­სეთ­თან. ჩვენ ვი­მუ­შა­ვებთ უკ­რა­ი­ნას­თან. ჩვენ უზ­რუნ­ველ­ვყოფთ, რომ ამან იმუ­შა­ოს.“

შეხ­ვედ­რა ვლა­დი­მერ პუ­ტინ­თანდო­ნალდ ტრამპმა რუ­სე­თის ფე­დე­რა­ცი­ის პრე­ზი­დენ­ტთან, ვლა­დი­მერ პუ­ტინ­თან სამმხრი­ვი შეხ­ვედ­რაც არ გა­მო­რი­ცხა.

“ვფიქ­რობ, თუ დღეს ყვე­ლა­ფე­რი კარ­გად წა­რი­მარ­თე­ბა, სამმხრი­ვი შეხ­ვედ­რა გვექ­ნე­ბა და ვფიქ­რობ, რომ ეს ომის დას­რუ­ლე­ბის გო­ნივ­რუ­ლი შან­სი იქ­ნე­ბა,“ - თქვა ტრამპმა.

“ჩვენ მხა­რი და­ვუ­ჭი­რეთ იდე­ას... პრე­ზი­დენტ ტრამ­პის მიერ ამ ომის შე­ჩე­რე­ბის, ამ ომის დას­რუ­ლე­ბის დიპ­ლო­მა­ტი­უ­რი გზის გა­მო­ნახ­ვის იდე­ას. და ჩვენ მზად ვართ სამმხრი­ვის­თვის“, - და­ა­მა­ტა ზე­ლენ­სკიმ აშშ-ის პირ­ვე­ლი პი­რის გან­ცხა­დე­ბას.