"მალე ევროპაში 23 ევროდ ჩავფრინდებით" - მიხეილ სააკაშვილი
საქართველოს პრეზიდენტმა მიხეილ საააკაშვილმა აშშ-ის სახელმწიფო მდივნის, ჰილარი კლინტონის ვიზიტის ძირითად გზავნილებზე ისაუბრა: "ვიზიტის შედეგად გამოიკვეთა რამდენიმე მნიშვნელოვანი გზავნილი. პირველი: თავდაცვის სფეროში გამოცხადდა ქვეყნის თავდაცვითუნარიანობის გაძლიერების პროგრამა; მეორე: ამერიკამ აღიარა დოკუმენტები, რომლებსაც გამოვცემთ აფხაზეთისა და ცხინვალის რეგიონებში ჩვენი თანამემამულეებისთვის; მესამე: არჩევნებზე მაქსიმალური რაოდენობის ნამდვილ დამკვირვებელს გამოუშვებენ... ამერიკის მხრიდან ეს არ არის მხოლოდ მორიგი მხარდაჭერის გამოვლენა. დღეს ძალიან კონკრეტული რაღაცეები გამოცხადდა და ეს ნიშნავს, რომ სწორ კურსზე ვდგავართ... მალე ქართველები უვიზოდ იმოგზაურებენ ევროპის კავშირის ქვეყნებში. მალე ევროპაში ჩავფრინდებით 23 ევროდ. საქართველოს გეოპოლიტიკური მდგომარეობა თავბრუდამხვევად იცვლება სწორი მიმართულებით და ეს უნდა დაგვეხმაროს გაჭირვების დაძლევაში, " - აღნიშნა პრეზიდენტმა.