"ევროვიზიაზე" გოგოც ულამაზესი იყო, შესრულებაც მართლა შესანიშნავი, უბრალოდ, ის არ არის ევროპული საქართველოს წარმომადგენელი" - როგორ ეხმაურებიან ცნობილები მარიამ შენგელიას "ევროვიზიაზე" გამოსვლას?
საქართველო Eurovision 2025-ს გამოეთიშა. ხმის მიცემის შედეგების მიხედვით, საქართველომ თავისი მონაწილეობა "ევროვიზიაზე" მეორე ნახევარფინალში დაასრულა და ფინალში მონაწილეობას ვერ მიიღებს.
საქართველო და მისი წარმომადგენელი მარიამ შენგელია სიმღერით Freedom, გულშემატკივრების წინაშე მეათე ნომრად წარსდგა.
"ბრავო რეკორდის" დამფუძნებლის ზაზა შენგელიას თქმით, "ევროვიზიის" კონკურსი ყველაზე უსარგებლო, უავტორიტეტო, დისკრედიტირებულ და უსამართლო სატელევიზიო მუსიკალურ კონკურსად იქცა, მარიამ შენგელიამ კი სიმღერა ძალიან ბრუტალურად და ემოციურად შეასრულა.
"იმიტომ არა, რომ შენგელიაა და თან გარეგნულადაც მაგარი გოგოა… ძალიან ბრუტალურად და ემოციურად შეასრულა… კალათბურთელი მაღალ ნახტომში ბურთს კალათში ეფექტურად რომ ჩატენის, ისე… ბრავო მარიამ შენგელია.
P.S. სულ ამას ვამბობდი და დღესაც ხაზგასმით გავიმეორებ - უვარგისი ხმის მიცემის სისტემის გამო, "ევროვიზიის" კონკურსი ყველაზე ბანძ, უსარგებლო, უავტორიტეტო, დისკრედიტირებულ და უსამართლო სატელევიზიო მუსიკალურ კონკურსად იქცა და ზუსტად ამის შედეგია, რომ ბოლო 40-45 წლის მანძილზე, "ევროვიზიის" ვერცერთი გამარჯვებული ვერ იკვლევს გზას და ვერ იმკვიდრებს ადგილს მსოფლიოს დიდ მუსიკალურ სცენებზე და სამწუხაროდ ეს ასე გაგრძელდება მანამ, სანამ საერთაშორისო ცნობადობის მქონე მძიმეწონიანი ავტორიტეტული მუსიკალური პროდიუსერებისგან შემდგარი ჟიური არ მიიღებს გადაწყვეტილებებს vs სამეზობლო-პოლიტიკური სიმპათიებით განპირობებული ტელემაყურებლების კენჭისყრისა და რაც მთავარია, სანამ ეს კონკურსი რომელიმე მეიჯორი რექორდ ლეიბლის (Sony, Warner, Universal) ეგიდის ქვეშ არ მოექცევა… ძალიან ძალიან დასანანია და სამწუხარო" - წერს შენგელია.
მომღერალი მაია დარსმელიძე კი წერს, რომ "ევროვიზიაზე" ჩვენი წარმომადგენლის გამოსვლა შესანიშნავი იყო, თუმცა, მისი განმარტებით, მარიამ შენგელია არ არის თავისუფალი, ძლიერი და ევროპული საქართველოს წარმომადგენელი.
"ობიექტურად: "ევროვიზიაზე" გოგოც ("ჩვენს გოგოს" ვერ ვწერ, რადგან ჩვენი არა - "ქოცებისაა", სამწუხაროდ) ხოდა, გოგოც ულამაზესი იყო, შესრულებაც მართლა შესანიშნავი. უბრალოდ, ის არ არის თავისუფალი, ძლიერი და ევროპული საქართველოს წარმომადგენელი.. რუსულ ჭაობში ჩაძირული "მშვიდობიანი" საქოცეთი კი წიხლზე კიდია და სულერთი ეკი**ბა მხოლოდ "ევროვიზიას" კი არა - სრულიად ცივილიზებულ გლობუსს" - წერს დარსმელიძე.
ნანუკა ჟორჟოლიანმა თეთრ დროშასთან დაკავშირებით გამოთქვა პრეტენზია, თუმცა, მოგვიანებით პოსტი წაშა და დაწერა, რომ შეცვლილი კანონით, სცენაზე დროშის გატანა აკრძალულია.
"ეკითხებიან რა არის მისთვის მთავარი. პასუხობს:
1. ფული 2. წარმატება, 3. ჯანმრთელობა.
ეს რომ აქამდე მენახა, ამ ლამაზი და ნიჭიერი გოგოსგან "ქოცობა" ხომ არ მეწყინებოდა.
წელს "ევროვიზიის" შეცვლილი კანონით დროშის გატანა სცენაზე აკრძალული ყოფილა და ამიტომ წინა პოსტი წავშალე" - წერს ნანუკა ჟორჟოლიანი.