"მინდა, დავარწმუნო ყველა, რომ პროდუქტი არის აბსოლუტურად ჯანსაღი და უვნებელი" - რძისა და რძის პროდუქტების მწარმოებელთა ასოციაციის ხელმძღვანელი
სურსათის ეროვნულ სააგენტოში რძის მწარმოებელ ბიზნესოპერატორებთან და ასოციაციების წარმომადგენლთან სამუშაო შეხვედრა გაიმართა.
შეხვედრაზე ბიზნესოპერატორისა და სააგენტოს ვალდებულებებზე ისაუბრეს.
სურსათის ეროვნული სააგენტოს უფროსმა ზურაბ ჩეკურაშვილმა ყურადღება კონტროლის მექანიზმებზე გაამახვილა და აღნიშნა, რომ მიმდინარე 2025 წელს სურსათის ეროვნულმა სააგენტომ რძისა და რძის მწარმოებელ კომპანიებსა და სარეალიზაციო ობიექტებში 4786 სახელმწიფო კონტროლი განახორციელა; დარღვევების მაჩვენებელმა, აპრილის მონაცემებით, 3,3% შეადგინა.