"აივანზე ვიყავი და ასე განვითარდა მოვლენები... სულ მიკანკალებს ყველაფერი" - რას წერს სოციალურ ქსელში თვითმხილველი, რომელმაც საბურთალოზე, აივნიდან შემზარავი ფაქტი გადაიღო
საბურთალოზე მოქალაქეს მანქანა, სავარაუდოდ, განზრახ შეეჯახა. სოციალურ ქსელში შემზარავი შემთხვევის ამსახველი კადრები ვრცელდება.
"ღმერთო, სად ვცხოვრობთ! ეს მოხდა საბურთალოზე მაქსიმუმ 1 საათის წინ, როგორ არის ეს ბიჭი ვინმემ თუ იცით გამაგებინეთ, გამისკდა გული" - წერს ერთ-ერთი მოქალაქე ანონიმურად სოციალურ ქსელში და კადრებს აქვეყნებს.
მისივე თქმით, შემთხვევა ტაშკენტის ქუჩაზე, "მედიქლაბის" მოპირდაპირედ, ჩასახვევში მოხდა.
"ტაშკენტზე ვცხოვრობ, "მედიქლაბის" მოპირდაპირედ, ჩასახვევში.
ვიღაცეები ჩხუბობდნენ, დავიწყე გადაღბა, აივანზე ვიყავი და ასე განვითარდა მოვლენები. სულ მიკანკალებს ყველაფერი.
მოჩხუბარი ბიჭების ვიდეოც მაქვს, ამოცნობაც შეიძლება, თუმცა პოლიცია არც მოსულა. ასეთი ამბავი მოხდა, გული გამისკდა, ვის მივაწოდო ეს მასალები, ვერ გავიგე.
მეზობელმა მითხრა, საავადმყოფოში წაიყვანეს ბიჭებმაო" - წერს მოქალაქე.