პარლამენტში საკანონმდებლო ცვლილებები დარეგისტრირდა, რომელიც „ლგბტ მარშების და შესაბამისი ფერადი ნივთების“ აკრძალვას ითვალისწინებს
პარლამენტის თავმჯდომარის, შალვა პაპუაშვილის განცხადებით, საკანონმდებლო ორგანოში დაინიცირდა წინადადება „ლგბტ მარშების და შესაბამისი ფერადი ნივთების აკრძალვის შესახებ“, რომელიც განსახილველად ადამიანის უფლებათა კომიტეტს გადაეცემა. აღნიშნულის შესახებ პაპუაშვილმა ბიუროს სხდომაზე განაცხადა.
„არის საკანონმდებლო წინადადება ლგბტ მარშებისა და შესაბამისი ფერადი ნივთების აკრძალვის შესახებ, რომელიც [განსახილველად] ადამიანის უფლებათა კომიტეტს გადაეცემა“, - განაცხადა პაპუაშვილმა.