"ახლა რასაც დავწერ, ეს დანებებად და იმედის დაკარგვად არ ჩამთვალოთ, უბრალოდ, პოზიცია უნდა შევცვალო..." - მალხაზ მაჩალიკაშვილი - პალიტრა ვიდეო

მალხაზ მაჩალიკაშვილი სოციალურ ქსელში ვრცელ სტატუს აქვეყნებს, რითაც პარლამენტში "ნაციონალური მოძრაობის" საქმიანობის შემსწავლელი დროებითი საგამოძიებო კომისიის სხდომებს ეხმაურება.

"ახლა რასაც დავწერ, ეს დანებებად და იმედის დაკარგვად არ ჩამთვალოთ.

უბრალოდ, პოზიცია უნდა შევცვალო, "ქოცების" ლანძღვა-გინებას უნდა მოვეშვა. პირველ რიგში, მე ეს ბილწსიტყვაობა არ მეკადრება, მეორეც ქისტ კაცს ეს არ შეშვენის. მართალია, მე საქართველის მოსახლეობის დიდი ნაწილი მაგინებს და ძალიან დიდ შეურაცხყოფას მაყენებენ, ის კი არა სუს-ის მიერ გატეხილ ჩემს გვერდზე ჩემი სახელით კომენტატებს წერენ ეროვნულ ნაკრების მისამართით თუ ეკლესიის ა ნდა სხვა მსგავს ადამიანებზე.

ახლა რაც შეხება წულუკიანის ფილმს "ქვევრი", პოლიციელის კითხვაზე აქ როგორ მოხვდიო ქვევრში, და როგორ მოხვდნენ გენერლები "ნაცმოძრაობაში", პასუხი მარტივია.

ეს ფილმია, ფილმში კი იქ მოხვდებიან, სადაც რეჟისორი მოგახვედრებს ქალბატონო თია.

აი, რეალობაში, ღმერთი და შენი საქციელი, ვის სად მოგახვედრებს ხვალ თუ ზეგ, ეს კი სულ სხვა ამბავია.

აქ წულუკიანი კითხვებს სვამს რატომ დაიკარგა სამაჩაბლოში 111 სოფელი დამატებით, რაც გვქონდა დაკარგული მანამდე უკვე 400 სოფელიო.

საინტერესო კი ის არის, ეს კომისიაც იმიტომ შექმნეს კითხვებზე პასუხის გასაცემის ხომ?

მაგრამ მე სულ სხვა მაინტერესებს, შენ თია წულუკიანის საგამოძიებო კომისია, თუ საქართველოს ბედი ასე გაღელვებს და გტკივა, ის 400 სოფელი რომ ჩააბარა, ისინი ვინ დაიბარა კომისიების შექმნით პარლამენტში

სად არის ლოგიკა?

თუ ის ვინც "ნაცებზე" წინ რუსებს ჩააბარა 400 სოფელი, შემთხვევით თქვენს რიგებში ხომ არ სხედან?

ხო, რა თქმა უნდა, კრემლი ამაზე თვალს ხუჭავს და გამოძიებაც არ არის საჭირო, წყალსაც წაუღია ის 400 სოფელი და აფხაზეთი.

მერე რა, მთავარია, "ნაც. მოძრაობა" გაასამართლოთ.

ასე ითხოვს კრემლი" - წერს მაჩალიკაშვილი.