პარლამენტთან აქცია გრძელდება - რუსთაველის გამზირი გადაკეტილია
პროტესტის 123-ე დღეს, პარლამენტთან აქცია კვლავ განახლდა და რუსთაველის გამზირი გადაიკეტა.
აქციის მონაწილეებს სხვადასხვა შინაარსის ბანერები აქვთ მოტანილი და პერიოდულად სკანდირებენ: „ცეცხლი ოლიგარქიას!”, “არა რუსულ რეჟიმს”.
მათ ასევე ხელში უჭირავთ საქართველოს, აშშ-სა და ევროკავშირის დროშები.
პროტესტის მონაწილეების მოთხოვნა უცვლელია - ახალი არჩევნების დანიშვნა და აქციების დროს დაკავებულების გათავისუფლება.