ხვიჩას გოლი, ზურიკოს ასისტი - კვარაცხელიას პსჟ-მა დავითაშვილის "სენტ-ეტიენი" ანგარიშით 1:6 გაანადგურა - პალიტრა ვიდეო

"ლიგა 1"-ის 27-ე ტურ­ში, ხვი­ჩა კვა­რა­ცხე­ლი­ას პსჟ ზუ­რი­კო და­ვი­თაშ­ვი­ლის "სენტ-ეტი­ენს“ სტუმ­რად და­უ­პი­რის­პირ­და და დიდი ან­გა­რი­შით 1:6 და­ა­მარ­ცხა.

და­ვი­თაშ­ვილ­მაც და კვა­რა­ცხე­ლი­ა­მაც თა­მა­ში ძი­რი­თად შე­მად­გენ­ლო­ბა­ში და­ი­წყეს. პირ­ვე­ლი ტა­ი­მი მას­პინ­ძლე­ბის აქ­ტი­უ­რო­ბით და­ი­წყო. მათ შე­ტე­ვებს მარ­ცხე­ნა ფლან­გი­დან და­ვი­თაშ­ვი­ლი კარ­გად წარ­მარ­თავ­და, მე-9 წუთ­ზე ზუ­რი­კოს გა­და­ცე­მუ­ლი ბურ­თი სტა­სენ­მა თა­ვით სა­ფო­ნო­ვის კარ­ში გაგ­ზავ­ნა.

აქე­დან მო­ყო­ლე­ბუ­ლი უპი­რა­ტე­სო­ბას სტუმ­რე­ბი და­ე­უფლნენ, კვა­რა­ცხე­ლი­ას დარ­ტყმუ­ლი ბურ­თი მცვე­ლებ­მა ორ­ჯერ დაბ­ლო­კეს, რა­მუშ­მა ხელ­საყ­რე­ლი პო­ზი­ცი­ი­დან ვერ შეძ­ლო გა­ტა­ნა. 43-ე წუთ­ზე რა­მუ­ში სა­ჯა­რი­მო­ში ტარ­დი­ემ წა­აქ­ცია და პე­ნალ­ტით ან­გა­რი­ში და­ზა­რა­ლე­ბულ­მა შე­ამ­ცი­რა. ბო­ლოს პი­რის­პირ გა­სულ სტა­სენს სა­ფო­ნოვ­მა არ გა­ა­ტა­ნი­ნა და პირ­ვე­ლი ტა­ი­მი ფრედ 1:1 დას­რულ­და.

სრუ­ლი­ად სხვა სცე­ნა­რით წა­რი­მარ­თა მე­ო­რე ტა­ი­მი, რომ­ლის და­სა­წყის­ში, 49-ე წუთ­ზე ხვი­ჩა კვა­რა­ცხე­ლი­ამ პსჟ და­ა­წი­ნა­უ­რა და ამის შემ­დეგ "პარი სენ ჟერ­მე­ნი“ მო­ე­დან­ზე უკვე სრუ­ლად დო­მი­ნი­რებ­და. მერე მე­ტო­ქის კარი დუემ და­ლაშ­ქრა. ცოტა ხან­ში „კვა­რამ“ შო­რი­დან ვერ მო­ა­ხერ­ხა გა­ტა­ნა, მცი­რე ტრავ­მა მი­ი­ღო, მაგ­რამ სა­მე­დი­ცი­ნო დახ­მა­რე­ბა აღ­მო­უ­ჩი­ნეს და თა­მა­ში გა­აგ­რძე­ლა. მერე ნე­ვეს­მა ან­გა­რი­ში გა­ზარ­და, 62-ე წუთ­ზე ზუ­რი­კოც შეც­ვა­ლეს და 63-ე წუთ­ზე კი მო­ე­და­ნი უკვე „კვა­რა­მაც“, და­ტო­ვა, მის ნაც­ვლად დემ­ბე­ლე შე­ვი­და, დუემ დუბ­ლი შე­ას­რუ­ლა და 17 წლის მბი­ე­მაც გა­მო­ი­ჩი­ნა თავი. განაგრძეთ კითხვა>>