კადრები ადგილიდან, სადაც ორი დღის წინ 28 წლის ბიჭი ტრაგიკულად დაიღუპა
ეს ტერიტორია არ განეკუთვნება მუნიციპალიტეტის ტერიტორიას, ეს კერძო საკუთრებაა, - ამის შესახებ თბილისის მერიის ქონების მართვის სააგენტოს უფროსმა სერგო ბირკაძემ განაცხადა, რითაც მთაწმინდის პარკის პარკინგთან მდებარე შენობის ჩამონგრევის შედეგად ერთი ადამიანის დაღუპვის ფაქტს გამოეხმაურა.
ორი დღის წინ მთაწმინდის პარკის პარკინგთან მდებარე შენობის ჩამონგრევის შედეგად ერთი ადამიანი დაიღუპა, ორი კი დაშავდა. მომხდარ ტრაგედიას 28 წლის ლევან დვალი ემსხვერპლა.
როგორც "ინტერპრესნიუსს" შინაგან საქმეთა სამინისტროში განუცხადეს, გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
ვიდეო: "რუსთავი 2"