"წამოვდექი და ფეხები არ დამემორჩილაო. მუხლებიდან არის ამოვარდნილი" - რას დეტალებს ჰყვება მთაწმინდაზე, ერთ-ერთი დაშავებულის ახლობელი; უბედურ შემთხვევას ერთი ახალგაზრდა ემსხვერპლა - პალიტრა ვიდეო

ტრა­გე­დია დატ­რი­ალ­და თბი­ლის­ში. მთაწ­მინ­დის პარ­კის პარ­კინგთან არ­სე­ბუ­ლი შე­ნო­ბა ჩა­ინ­გრა, რის შე­დე­გა­დაც ერთი ადა­მი­ა­ნი გარ­და­იც­ვა­ლა, ორი კი და­შავ­და.

დაღუპ­ლია 30 წლის რუს­თა­ვე­ლი ახალ­გაზ­რდა, ლე­ვან დვა­ლი.

არ­სე­ბუ­ლი ინ­ფორ­მა­ცი­ით, მე­გობ­რე­ბი ფო­ტო­ებს იღებ­დნენ, როცა ტრა­გე­დია დატ­რი­ალ­და. ცნო­ბი­ლია, რომ ამ შე­ნო­ბა­ში მო­ქა­ლა­ქე­ე­ბი ქა­ლა­ქის ხე­დის გა­და­სა­ღე­ბად შე­დი­ოდ­ნენ.

მომხდარის შესახებ „პალიტრავიდეო“-ს ერთ-ერთ დაშავებულის ახლობელმა უამბო, თუმცა სატელევიზო ინტერვიუზე უარი გვითხრა.

„დაშავებული ჩვენი ოჯახის ახლობელია. რუსთავლები არიან, სასეირნოდ იყვნენ ასულები მთაწმინდაზე. შემთხვევა წამებში მოხდა. ორი ბიჭი ბეწვზეა გადარჩენილი, ჩვენც შოკში ვართ. ის ადგილი ტურისტებით იყო სავსე.

ერთი საერთოდ დალეწილია, ვერ ვტოკდებოდიო, რომ წამოვდექი ფეხები არ დამემორჩილაო. მუხლებიდან არის ამოვარდნილი. ვინც გარდაიცვალა მას მძიმე დაზიანებები ჰქონდა. იქვე მყოფებმა გამოძახეს სასწრაფო დაგადაიყვენეს ინგოროყვას კლინიკაში“, - გვეუბნება ახლობელი.

ში­ნა­გან საქ­მე­თა სა­მი­ნის­ტრო­ში ამბობენ, რომ მომ­ხდარ­ზე გა­მო­ძი­ე­ბა სსკ-ის 240-ე მუხ­ლით და­ი­წყო, რაც სამ­შე­ნებ­ლო ან სხვა სა­მუ­შა­ოს წარ­მო­ე­ბი­სას უსაფრ­თხო­ე­ბის წე­სის დარ­ღვე­ვას გუ­ლის­ხმობს.

სიჯეტში გამოყენებულია "ტვ პირველის"-ის კადრები.