ანკარაში სტამბოლის მერის მხარდამჭერი აქციის მონაწილეებსა და სამართალდამცავებს შორის შეტაკებები მოხდა - როგორია ბოლო ცნობები მომხდართან დაკავშირებით
ანკარაში სტამბოლის მერის მხარდამჭერი აქციის მონაწილეებსა და სამართალდამცავებს შორის შეტაკებები მოხდა. სამართალდამცავებმა მომიტინგეების წინააღმდეგ წიწაკის "სპრეი" გამოიყენეს. დაშავებულების ან დაკავებულების შესახებ ინფორმაცია ჯერჯერობით არ ვრცელდება. აქციაზე სტუდენტებმა სტამბოლის მერის, ეკრემ იმამოღლუს დაკავება გააპროტესტეს. თურქეთის პოლიციამ იმამოღლუ კორუფციის ბრალდებით დააკავა. პოლიციის მიერ ჩატარებული ოპერაცია კორუფციული დანაშაულების ფართომასშტაბიან გამოძიებას უკავშირდება. მანამდე მერის სახლში ჩხრეკა ჩატარდა.