"თვითონ გამოიძახა სასწრაფო დახმარება და პოლიცია" - ახალი დეტალები გლდანში მომხდარ მკვლელობაზე
გლდანში მკვლელობა მოხდა. არსებული ინფორმაციით, მოკლულია მამაკაცი. დანაშაული დილით, თეიმურაზ ბოჭორიშვილის 1-ელ ჩიხში მდებარე კორპუსის მე-12 სართულზე მოხდა.
როგორც კორპუსის ერთ-ერთმა მცხოვრებმა ambebi.ge - ს უთხრა, ბინა, სადაც დანაშაული მოხდა, 2 მამაკაცზე იყო გაქირავებული. მისი თქმით, კონფლიქტი, რომელსაც მკვლელობა მოჰყვა, სწორედ მათ შორის მოხდა. ერთმა მეორე დანით დაჭრა, რაც სასიკვდილო გამოდგა.
"მოკლულია 50-წლამდე მამაკაცი, ვინაობა არ ვიცი, თუმცა როგორც სამართალდამცავებისგან გავიგე, ბრალდებული არ გაქცეულა, თვითონ გამოიძახა სასწრაფო დახმარება და პოლიცია, ის ადგილზე დააკავეს", - გვეუბნება ადგილობრივი. განაგრძეთ კითხვა