"ფოცხო-ეწერში ანძა დაიწვა, ჯვარში საცხოვრებელი სახლი" - სამეგრელოში, რამდენიმე ლოკაციაზე ხანძარია
მარტვილსა და წალენჯიხაში ხანძარია. ინფორმაციას ამის შესახებ წალენჯიხის მერის მოვალეობის შემსრულებელი, თამარ ბელქანია "ფეისბუქზე“ ავრცელებს.
"ნუ დაანთებთ ცეცხლს! ნუ დაანთებთ.ამ წუთისთვის ფოცხო-ეწერში ანძა დაიწვა (მიმდებარედ დენი გაითიშა). ჯვარში საცხოვრებელი სახლი. კანთში და ლეხარჩილეში ხანძარია.
მუნიციპალიტეტს გააჩნია ორი სახანძრო მანქანა.
მოქალაქეობრივი შეგნების მიღმა არის კანონი. ეს ქმედება დასჯადია.
პ.ს გაითვალისწინეთ, რომ მარტვილშიც ხანძარია. წალენჯიხაში ძლიერი ქარია, რაც ხელს უწყობს ცეცხლის გავრცობას. მიმდინარეობს ცეცხლის ლოკალიზება", - წერს ბელქანია.