"ბრენდები უნდა გეცვასო, თორემ დაგცინებენო - როდესაც "ვისი კაბაა"-ს მეკითხებიან..."- რას ჰყვება თამარ ჩერგოლეიშვილი? - პალიტრა ვიდეო

თამარ ჩერგოლეიშვილი სოციალურ ქსელში სტატუსს ავრცელებს:

"ბავშვობაში, მგონი მე-8 კლასში ჩემი ახლო მეგობარი გადავიდა 53-ეში და მეც გადავედი - რომ გადავდიოდი, ერთი გოგო შემხვდა სკოლის ტუალეტთან (არც მახსოვს სახელი), და ახლაო, მანდ რომ გადადიხარო - მანდ სულ კარგად უნდა გეცვასო.

მეთქი რავი... აქაც კარგად მაცვია.

არაო, ბრენდები უნდა გეცვასო, თორემ დაგცინებენო.

რავი, მეთქი მეც დავცინებ.

მივედი, ვნახე და რა დამემარცხებინა ვერ მივხვდი - ძაან მხიარული კლასელები მყავდა და ეკიდათ რა მეცვა.

დიდხანსაც არ დავრჩენილვარ უკეთ რომ დავკვირვებოდი, მალევე მომზადება დავიწყე და პარალელურად იმდენ რამეზე დავდიოდი, სკოლაში წესიერად აღარც მივლია.

ეგ გასაუბრება 155-ე სკოლის ტუალეტთან კი ჩამრჩა - ალბათ მაგის და ჩემი სიჯიუტის დამსახურებაცაა, რომ როდესაც "ვისი კაბააა"-ს მეკითხებიან, დავცინი, რომ "CHEMIA" და ზოგადად ცუდად ვრეაგირებ, როცა ვხედავ რომ ადამიანს ხმარობს ჩასაცმელი და არა ადამიანი ჩასაცმელს.

ხოდა რაზე გამახსენდა:

პერიფერიის სევდაა დაკომპლექსება და თავდაცვაში ჩადგომა ტანსაცმელზე ხუმრობისას.

ოვალური ოფისის ყბადაღებული შეხვედრის შემდეგ, სულ ის გოგო მახსენდებოდა, მე-8 კლასში სკოლის ტუალეტთან რომ შემხვდა." - წერს თამარ ჩერგოლეიშვილი.