(+18) ვრცელდება უმძიმესი ვიდეო, კადრებში ჩანს, როგორ გადაუარა მატარებელმა მამაკაცს, რომელსაც ლიანდაგზე ჩაეძინა - "ნასვამ მდგომარეობაში იყო და მატარებლის მოახლოება ვერ გაიგო" (პერუ)
პერუში, ლიმაში, მამაკაცს, რომელსაც ლიანდაგებზე ეძინა, მატარებელი დაეჯახა, თუმცა ის გადარჩა. ინფორმაციას BBC ადგილობრივ ხელისუფლებაზე დაყრდნობით ავრცელებს.
სათვალთვალო კამერით გადაღებულ კადრებში ჩანს, რომ მამაკაცი რკინიგზის ლიანდაგებზე გაუნძრევლად იწვა, სანამ სატვირთო მატარებელი მიუახლოვდა და დაეჯახა.
"ის აშკარად ნასვამ მდგომარეობაში იყო, ლიანდაგზე ჩაეძინა და მატარებლის მოახლოება ვერ გაიგო“, - განაცხადა ადგილობრივმა ოფიციალურმა წარმომადგენელმა გენერალმა ხავიერ ავალოსმა.