"სოდი და კუდი ის დროა, მამაშენი კეზერასთან ერთად მაყუთებს რომ ჭრიდა, ამიტომ ჩუ..." - რას წერს ნინო წილოსანი ნანუკა ჟორჟოლიანზე და როგორ პასუხობს ტელეწამყვანი?
დეპუტატი ნინო წილოსანის მიერ სოციალურ ქსელში გამოქვეყნებულ სტატუსს, სადაც პოლიტიკოსმა სტიქიის ზონაში მიმდინარე მოვლენები მიმოიხილა, მასა და ჟურნალისტ ნანუკა ჟორჟოლიანს შორის დაპირისპირება მოჰყვა
"ჩემი საყვარელი გურიიდან მწერენ, რომ სოფლებში უკვე შევიდნენ ჩვენი გმირი სამხედროები ხალხის დასახმარებლად და ისინი აუცილებლად მივლენ ყველა ადამიანთან, ვისაც დახმარება სჭირდება ამ ურთულეს ვითარებაში
რა თქმა უნდა, პარალელურ რეჟიმში აქტიურად მიმდინარეობს სტიქიის სალიკვიდაციო სამუშაოები.
მოხარული ვარ, რომ სტიქიის ზონაში, გურიაში ამ მომენტშიც იმყოფება პრემიერ-მინისტრი და მოსახლეობას მაქსიმალურად გვერდში უდგას. იმედი მაქვს მალე გავუმკლავდებით მოცემულ მდგომარეობას.
გურიაში ყველაზე მწვავე, თუმცა სხვა რეგიონებშიც არანაკლებ მძიმე სიტუაციაა დიდთოვლობის გამო. მინდა ჩემი საქართველოს ყველა კუთხეს მოგმართოთ, გაგამხნეოთ და გითხრათ, რომ ყველა თქვენს გვერდით ვართ. ერთად ყველაფერს გავუმკლავდებით", - წერს წილოსანი.
დეპუტატის სტატუსს სოციალურ ქსელში მოქალაქეები გამოეხმაურნენ, მათ ხაზგასმით აღნიშნეს ნანუკა ჟორჟოლიანის ფონდის ჩართულობა სტიქიის ზონაში. "მადლობა მოხალისეებს და ნანუკას მართლაც რომ გადაარჩინეს გურია. თქვენ წერეთ სტატუსები მხოლოდ!“ - წერს ერთ-ერთი მათგანი.
"ნანუკას ფანები დაორგანიზებულან. მისი მადლი გფარავდეთ და გისურვებთ, როგორც ის ადამიანებს ექცეოდა კუდის უფროსი ქმრის ზურგით, არ მოგკლებოდეთ ეს ტერორი.“ - დაწერა კომენტარების ველში წილოსანმა, რასაც ჟორჟოლიანმა უპასუხა.
"ჯერ უნდა იცოდე რომ ეგ სოდი იყო, რომლის სპეცრაზმის უფროსი იყო შენი სულიერი ძმა, ხარება, ამიტომ სოდს თუ რამეს უწუნებ, შორს წასვლა არაა საჭირო და მეორე, სოდი და კუდი ის დროა, მამაშენი კეზერასთან ერთად მაყუთებს რომ ჭრიდა, ამიტომ ჩუ...“ - წერს ნანუკა ნინო წილოსანის სტატუსის კომენტარებში.