"გიორგის მანქანა გააჩერეს, დააჯარიმეს დაუმორჩილებლობის მუხლით, ჩამოართვეს მართვის უფლება და პოლიციისადმი შეურაცხყოფის მუხლზე გვედავებიან" - რა კადრები ვრცელდება სოციალურ ქსელში?
მოქალაქე გიორგი მონავარდისაშვილს სამართალდარღვევის ოქმი შეუდგინეს, მართვის მოწმობა ჩამოართვეს და სასამართლოში დაიბარეს. ამის შესახებ ინფორმაციას თათუშა არველაძე სოციალურ ქსელში ავრცელებს და ვიდეოს აქვეყნებს.
"გიორგის მანქანა გააჩერეს. დააჯარიმეს დაუმორჩილებლობის მუხლით, ჩამოართვეს მართვის უფლება და პოლიციისადმი შეურაცხყოფის მუხლზე გვედავებიან სასამართლოში" - წერს თათუშა არველაძე.
გიორგი მონავარდისაშვილმა 2 თებერვალს, "თბილისი მოლთან" საპროტესტო აქციაზე სოლიდარობა გამოხატა აქციის მონაწილეების მიმართ.