ცნობილია ცოლ-ქმრის ვინაობა, რომლებიც უმძიმეს დანაშულში არიან ბრალდებულნი - "შშმ პირს მტკვრის მარცხენა სანაპიროს ტერიტორიაზე დადგომას და სხვადასხვა პირთან სქესობრივი კავშირის დამყარებას აიძულებდნენ"
დააკავეს ორი პირი, რომლებიც შშმ პირს თბილისში, მტკვრის მარცხენა სანაპიროს ტერიტორიაზე დადგომას და სხვადასხვა პირთან სქესობრივი კავშირის დამყარებას აიძულებდნენ.
იმ შემთხვევაში თუ დაზარალებულის მიერ გამომუშავებული თანხის რაოდენობა მათ არ დააკმაყოფილებდა, დაკავებულები მის მიმართ ფიზიკურ და ფსიქოლოგიურ ძალადობასა და მუქარას ახორციელებდნენ.გამოძიებით ასევე, დადგინდა, რომ ბრალდებულები ამ გზით მოპოვებულ თანხას სრულად ისაკუთრებდნენ. იმ შემთხვევაში თუ დაზარალებულის მიერ გამომუშავებული თანხის რაოდენობა არ დააკმაყოფილებდათ, მის მიმართ ფიზიკურ და ფსიქოლოგიურ ძალადობასა და მუქარას ახორციელებდნენ.
დაკავებულები არიან 1986 წელს დაბადებული ლევან აბულაძე და მისი მეუღლე 1977 წელს დაბადებული ხათუნა აბულაძე. "კურიერის" ინფორმაციით, იყო მომენტი, როცა საკმარისი თანხის არქონის გამო შშმ ქალი ბრალდებულმა ლევან აბულაძემ სასაფლაოზე აიყვანა და სასტიკად სცემა. ლევან აბულაძე მეუღლეს, 48 წლის ხათუნა აბულაძეს ძალადობის შემდეგ ანგარიშს ტელეფონით აბარებდა. ექსპლუატაციით მიღებულ თანხას ცოლ-ქმარი ისაკუთრებდნენ. მეტი სარგებლის მიღების მიზნით, ქალს დღის განმავლობაში საკვების მიღებასაც კი უკრძალავდნენ.
საქართველოს პროკურატურამ უმწეო მდგომარეობაში მყოფი პირის მიმართ ჯგუფურად განხორციელებული ტრეფიკინგის ფაქტზე ორ პირს ბრალდება უკვე წარუდგინა. ასევე პროკურატურის შუამდგომლობის საფუძველზე, სასამართლომ ორივე ბრალდებულს აღკვეთის ღონისძიების სახით პატიმრობა უკვე შეეფარდა. სისხლის სამართლის საქმეზე გამოძიება გრძელდება
წყარო: "რუსთავი 2"