რას აცხადებენ შსს-ში რიყის პარკში, მე-10 კლასელი ბიჭის ტრაგიკულ გარდაცვალებაზე?
შინაგან საქმეთა სამინისტრომ რიყის პარკში, მოზარდის დაღუპვასთან დაკავშირებით გამოძიება დაიწყო.
როგორც უწყებაში „ინტერპრესნიუსს“ განუცხადეს, მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.
„ტვ პირველის“ მიერ გავრცელებული ინფორმაციის მიხედვით, მე-10 კლასელი ბიჭის გადარჩენა მეგობრებმა სცადეს, თუმცა უშედეგოდ.
გავრცელებული ცნობით, შემთხვევა შაბათს მოხდა. მოზარდი რიყის პარკში ტრაგიკულად დაიღუპა.