სასამართლომ რეჟისორ გურამ მაცხონაშვილს 2000-ლარიანი ჯარიმა დააკისრა
ადმინისტრაციული წესით დაკავებული რეჟისორი გურამ მაცხონაშვილი თბილისის საქალაქო სასამართლომ სამართალდამრღვევად ცნო.
მაცხონაშვილის საქმე მოსამართლე ლელა ცაგარეიშვილმა განიხილა და მისი გადაწყვეტილებით, მაცხონაშვილს ადმინისტრაციული სახდელის სახით 2000-ლარიანი ჯარიმა განესაზღვრა.
გურამ მაცხონაშვილი 18 იანვარს, თემქაზე მიმდინარე საპროტესტო აქციაზე დააკავეს. მათ ადმინისტრაციულ სამართალდარღვევათა კოდექსის 174- პრიმა მუხლითა და 173-ე მუხლით გათვალისწინებული ქმედების განხორციელებას ედავებოდნენ, რაც პოლიციისადმი დაუმორჩილებლობას, შეკრებისა და მანიფესტაციის შესახებ კანონის დარღვევას გულისხმობს, რაც ნიღბის ტარების აკრძალვას მოიცავს.