ვრცელდება უმძიმესი ავარიის კადრები - დაღუპულია 4 ადამიანი, შემთხვევა გურჯაანში გუშინ მოხდა
სოციალურ ქსელში დავით ჭაბაშვილი გურჯაანში გუშინ მომხდარი ავარიის კადრებს აქვეყნებს.
ბაკურციხე - თბილისის დამაკავშირებელ გზაზე, ბარჯისხევის მიმდებარე ტერიტორიაზე ტრაილერი გადაბრუნდა. თვითმხილველების თქმით, ტრაილერის მძღოლმა საჭე ვერ დაიმორჩილა, მოცურდა და მსუბუქ ავტომანქანებს დაეცა.
შედეგად 4 ადამიანი ადგილზე გარდაიცვალა, ერთი კი მძიმედ დაშავდა. დაშავებული საავადმყოფოშია გადაყვანილი.
გარდაცვლილები არიან რომან ოსიტაშვილი და მათი ვაჟები დავით და ნიკა ოსიტაშვილები, ასევე რომან ოსიტაშვილის ქვისლი დავით ჭუაძე.