არსებული ინფორმაციით, ვარკეთილში კაცი მოკლეს - ახალგაზრდა მეტროში ჩადიოდა, როცა მან იქვე მყოფ მამაკაცებს შენიშვნა მისცა... - რა დეტალებია ცნობილი მომხდართან დაკავშირებით?
"Tv პირველის" ინფორმაციით, თვითმხილველების თქმით, ვარკეთილში ახალგაზრდა კაცი მოკლეს, რომელსაც მრავლობითი ჭრილობები ცივი იარაღით მიაყენეს.
თვითმხილველები "პირველებს" უყვებიან, რომ ყველაფერი სიტყვიერი დაპირისპირებით დაიწყო, ახალგაზრდა მეტროში ჩადიოდა, როცა მან იქვე მყოფ მამაკაცებს შენიშვნა მისცა, რა დროსაც სავარაუდოდ ნასვამ მდგომარეობაში მყოფი რამდენიმე პირი თავს დაესხა და სასიკვდილოდ დაჭრა.
გარემოვაჭრეების ცნობით, რომლებიც ფაქტს შეესწრნენ, ამბობენ, რომ დაჭრილს პირველადი დახმარება სხვა გამოძახებაზე მყოფმა სასწრაფო დახმარების ბრიგადის ექიმმა აღმოუჩინა. კაცი სასწრაფოთი გადაიყვანეს, თუმცა დღეს გაიგეს, რომ დაჭრილი გარდაიცვალა.
ადგილობრივების მონაყოლის მიხედვით, პოლიციამ სავარაუდო დამნაშავე უკვე დააკავეს.
ვიდეო: Tv პირველი