საზოგადოებრივ მაუწყებელთან საპროტესტო აქცია მიმდინარეობს - აქციის მონაწილეები საღამოს ეთერს ითხოვენ
საზოგადოებრივ მაუწყებელთან საპროტესტო აქცია მიმდინარეობს.
როგორც აქციის მონაწილეები აცხადებენ, საზოგადოებრივმა მაუწყებელმა დაარღვია შეთანხმება და გააუქმა საღამოს ეთერი, რომელიც საზოგადოების წარმომადგენლებს უნდა დასთმობოდა.
ადგილზე შეკრებილები საზოგადოებრივი მაუწყებლის ადმინისტრაციასთან შეხვედრას ითხოვენ.
მათივე თქმით, სამი დღეა ადმინისტრაცია კონტაქტზე არ გამოდის, ზარებსა თუ ტექსტურ შეტყობინებებს არ პასუხობენ.