ვრცლედება ლიანა ჯოჯუას მამის დაკავების კადრები - რას წერს MMA- ის ქართველი ქალი მებრძოლი მამაზე? - "არ მეგონა რომ ჩემს ქვეყანაში ე.წ “ჩადებები” კიდევ ხდებოდა"
"ჩემი მამა გელა ჯოჯუა თურქეთში 4 წლიანი ცხოვრების შემდეგ საქართველოში დაადეპორტეს საპასპორტო რეჟიმის დარღვევის გამო როგორც საქართველოს მოქალაქე და დაიწყო პირველი უკანონობა," - ამის შესახებ MMA- ის ქართველი ქალი მებრძოლი, ლიანა ჯოჯუა მამის, კრიმინალური ავტორიტეტის, იგივე გელა "ტბილისსკის" დაკავებაზე წერს.
"თბილისის აეროპორტში თითქმის ერთი კვირა ყავდათ უკანონოთ დაკავებული, იძულებულს მხდიდნენ ამეღო ბილეთები სხვადასხვა ქვეყანაში რომ წამეყვანა. რამდენჯერმე ცდისა და აეროპორტში ცხოვრებისა იგი დააპატიმრეს. 9 თვის განმავლობაში იყო ძალიან დიდი ზეწოლა იმაზე, რომ მას შეეცვალა გვარი და დაეტოვებინა საქართველო, რაზეც მან კატეგორიული უარი განაცხადა! დაემუქრნენ ჯერ იარაღის და შემდეგ ნარკოტიკების ჩადებით, რომ დაალპობდნენ ციხეში!!!
9 თვიანი უსამართლო პატიმრობის შემდეგ ბოლო სიტყვით მოსამართლეს მიმართა, რომ მას დაიჭერდნენ გასვლისთანავე იარაღის ან ნარკოტიკის შენახვის ბრალდებით, ამიტომ ჯობდა სასამართლოს შეურაცყოფის ბრალდებით 6 თვე დამატებით მიესაჯათ. მოსამართლე ჯინჯოლიამ იგი მაინც გაანთავისუფლა და 5 დღეში დანაპირები აუსრულეს: იარაღი და განსაკუთრებით დიდი რაოდენობით კოკაინი ისე გაუფორმეს, რომ თვალითაც არ უნახია! გადაღების საშუალება თურმე არ ქონდათ, ტელეფონები გაუფუჭდათ. ერთი სიტყვით ბრძოლა გრძელდება სამართლებრივ სივრცეში… არ მეგონა რომ ჩემს ქვეყანაში ე.წ “ჩადებები” კიდევ ხდებოდა, სასამართლო არ არის დამოუკიდებელი. ამ ქვეყანაში, ამ ხელისუფლებით არავინ არაა დაცული," - წერს ლაიანა ჯოჯუა.