"იმედ­ზე" გა­სულ­მა ამო­რა­ლურ­მა დი­ა­ლოგ­მა, 2009 წელს მომ­ხდა­რი ძა­ლა­დო­ბის ფაქ­ტი გა­მახ­სე­ნა" - რას წერს ნიკა მელია ზურა მანჯავიძის ეთერის შემდეგ? - პალიტრა ვიდეო

მომ­ღე­რალ­ ზურა მან­ჯა­ვი­ძის სატელევიზიო ეთერს სო­ცი­ა­ლურ ქსელ­ში ნიკა მე­ლია ეხმაურება.

"ტვ იმედ­ზე გა­სულ­მა ამო­რა­ლურ­მა დი­ა­ლოგ­მა, 2009 წელს მომ­ხდა­რი ძა­ლა­დო­ბის ფაქ­ტი გა­მახ­სე­ნა.

მა­შინ­დე­ლი ხე­ლი­სუფ­ლე­ბის მო­წი­ნა­აღ­მდე­გეს, მომ­ღე­რალ ზურა მან­ჯა­ვი­ძეს და მის ძმებს, მთაწ­მინ­და­ზე ხელ­კე­ტე­ბით შე­ი­ა­რა­ღე­ბუ­ლი, ნიღ­ბი­ა­ნი ზონ­დერე­ბი და­ესხნენ თავს, მის მიერ გა­მო­ხა­ტუ­ლი, პო­ლი­ტი­კუ­რი პო­ზი­ცი­ის გამო.

დღეს ზის, იგი­ვე ზურა მან­ჯა­ვი­ძე და მო­ძა­ლა­დე რე­ჟიმს "რე­ცხავს", მის გვერ­დზე მჯდო­მი წამ­ყვა­ნი კი, ზონ­დერე­ბის მაკა ჩიხ­ლა­ძე­ზე თავ­დას­ხმას "პი­რად ან­გა­რიშს­წო­რე­ბას" უწო­დებს,ანუ ხე­ლი­სუფ­ლე­ბა არაფ­რის შუ­ა­ში­აო.

ზურა მან­ჯა­ვი­ძე, მი­ნი­მა­ლუ­რი ადა­მი­ა­ნო­ბის სა­კი­თხია - გულ­წრფე­ლად სო­ლი­და­რო­ბას უცხა­დებ­დეთ ძა­ლა­დო­ბის მსხვერ­პლს, მი­თუ­მე­ტეს რო­დე­საც თა­ვად გა­მო­გიც­დი­ათ იგი­ვე და რე­ჟი­მის "მრე­ცხა­ვად" არ ის­ხდეთ პრო­პა­გან­დის­ტულ არხზე.

ად­რეც არ­სე­ბობ­დნენ და ახლა ხომ არ­სე­ბო­ბენ და არ­სე­ბო­ბენ ადა­მი­ა­ნე­ბი, ვის­თვი­საც ხე­ლი­სუფ­ლე­ბის ძა­ლა­დო­ბა ხან ცუ­დია და ხან კარ­გი - ხე­ლი­სუფ­ლე­ბას გა­აჩ­ნია!

არც სა­ქარ­თვე­ლოს, არც თბი­ლისს, ძა­ლა­დო­ბა არ­ცერ­თი ხე­ლი­სუფ­ლე­ბის­თვის უპა­ტი­ე­ბია. მო­ძა­ლა­დე­ე­ბის "რე­ცხვით" სა­ზო­გა­დო­ე­ბა­ში სტა­ტუსს ვე­ღა­რა­ვინ შე­ი­ნარ­ჩუ­ნებს" - წერს მე­ლია.

გუ­შინ ტე­ლე­კომ­პა­ნია "იმედ­ზე" ზურა მან­ჯა­ვი­ძემ იმ ე.წ. ბუ­ლინგზე ისა­უბ­რა, რო­მე­ლიც ბოლო დროს ორ და­პი­რის­პი­რე­ბულ მხა­რეს შო­რის პო­ლი­ტი­კის გამო წარ­მო­იშ­ვა. მან­ჯა­ვი­ძის თქმით, შვი­ლებ­თა­ნაც კი დიდი ძა­ლის­ხმე­ვა სჭირ­დე­ბა, რომ მათ არ­გუ­მენ­ტებს და­უ­პი­რის­პი­როს.