დაკავებები გრძელდება - თვითმხილველის თქმით, სამი მეგობარი, სახლში დაბრუნებას ავტომობილით გეგმავდა, საპოლიციო ძალებმა კი ე.წ. წიწაკის სპრეი გამოიყენეს, ავტომობილიდან გადმოიყვანეს და დააკავეს
საპოლიციო ძალების მხრიდან აქციის მონაწილეების დაკავება გრძელდება. კრიმინალურმა პოლიციამ ჭანტურიას ქუჩაზე სამი ახალგაზრდა მამაკაცი იმ დროს დააკავა, როცა ისინი ავტომობილში ჩასხდნენ.
კერძოდ, როგორც თვითმხილველმა “ინტერპრესნიუსთან” საუბარში განაცხადა, სამივე დაკავებული მეგობრებთან ერთად ჭანტურიას ქუჩაზე იდგნენ და სახლში დაბრუნებას გეგმავდნენ, სწორედ მაშინ, როდესაც ისინი ავტომობილში ჩასხდნენ, კრიმინალური პოლიციის რამდენიმე წარმომადგენელი ერთდროულად მიუახლოვდა მანქანას, ავტომობილში მყოფების წინააღმდეგ ე.წ. წიწაკის სპრეი გამოიყენეს და ავტომობილიდან გადმოიყვანეს, შემდეგ კი დააკავეს.