"ასე გამოიხურეს შავ-თეთრი ცხოვრების კარები...ახალ სახლში, დედის სურათი ხატებთან ერთად უნდა დაკიდონ" - უკიდურეს გაჭირვებაში მცხოვრებ სამ მცირეწლოვანს, რომლებსაც დედა გარდაეცვალათ, ბინა აჩუქეს
უკიდურეს გაჭირვებაში მცხოვრებ სამ მცირეწლოვანს, რომლებსაც დედა ცოტა ხნის წინ გარდაეცვალათ, ბინა აჩუქეს. ინფორმაციას სოციალურ ქსელში დიკა სალაყაია • Dika Salakaia ავრცელებს:
"ჩვენ, ყველამ ერთად ოთხი ობოლი პაწაწინას ცხოვრება შევცვალეთ!
“ხელებს ვშლი და ვყვირივარ, ღმერთო, გამომივიდა!” - ამ წინადადების გამეორებაც კი სიხარულით მივსებს გულს - შევძელით!
ბინა ვაჩუქეთ! ქართველებო, აი, რა შეგვიძლია ერთად დგომით! ასე გამოიხურეს შავ-თეთრი ცხოვრების კარები.
ახალ სახლში, დედის სურათი ხატებთან ერთად უნდა დაკიდონ. რადგან მათი დედა ნამდვილი ანგელოზია…
არ დავიღლები ჩემო ქართველებო, მადლობების თქმით და მიყვარხართ!
ეს სიკეთე თქვენია!
მიყვარხართ! " - წერს დიკა სალაყაია და სოციალურ ქსელში ვიდეოს აქვეყნებს.
ცნობისთვის, სამ მცირეწლოვანს, რომლებიც უკიდურეს სიღარიბეში ცხოვრობდნენ, დედა ცოტა ხნის წინ გარდაეცვალათ.