იელის უნივერსიტეტში სტუდენტებს ბიონსეს ისტორიას შეასწავლიან - რა წერია 101 გვვერდიან სახელმძღვანელოში?
მომავალი წლიდან, იელის უნივერსიტეტის სტუდენტებს ბიონსეს ისტორიას შეასწავლიან. უფრო კონკრეტულად კი, ნიუ-ჰეივენში მდებარე კერძო უნივერსიტეტის სტუდენტები გაეცნობიან ამბავს, თუ რა როლი და გავლენა მოახდინა ბიონსემ შავი მუსიკის ფორმირებასა და მის განვითარებაში. სალექციო კურსს ერთვის 101-გვერდიანი სახელმძღვანელო, რომელიც სტუდენტებს ბიონსეს დამსახურებებზე მოუყვება, ხოლო ლექციას მუსიკის პროფესორი, დაფნე ბრუკსი გაუძღვება. ბრუკსი მუსიკალურ თემაზე ლექციებს პრინსტონშიც კითხულობს, თუმცა ეს კონკრეტულად ბიონსეზე შექმნილი პირველი სილაბუსია.
სწორედ ბრუკსია იელის უნივერსიტეტში „შავი მუსიკისა” და საარქივო სტუდიის დამფუძნებელი. ბრუკსმა განმარტა, რომ სწორედ ბიონსემ მისცა მას შთაგონება, შეეცნო უკეთ სამყარო, ამიტომ ამის გაზიარება სტუდენტებისთვის გადაწყვიტა. კურსი ფოკუსირებული იქნება ბიონსეს პირველ სოლო ნამუშევარზე, დაწყებული 2013 წლიდან, დასრულებული 2024 წლის ნამუშევრით Cowboy Carter. ასევე ბრუკსი სტუდენტებს პოლიტიკაზეც გაესაუბრება, უფრო კონკრეტულად კი, ბიონსეს როლზე ამერიკის დემოკრატიული პარტიის საპრეზიდენტო კანდიდატების სასარგებლოდ.