დონალდ ტრამპსა და ვოლოდიმირ ზელენსკის შორის სატელეფონო საუბარი გაიმართა
საპრეზიდენტო არჩევნებში გამარჯვებიდან მალევე, 6 ნოემბერს, აშშ-ის არჩეულ პრეზიდენტს, დონალდ ტრამპს და უკრაინის პრეზიდენტს, ვოლოდიმირ ზელენსკის შორის სატელეფონო საუბარი გაიმართა.
„აქსიოსის“ ინფორმაციით, დონალდ ტრამპი ვოლოდიმირ ზელენსკის დაჰპირდა, რომ უკრაინას დაეხმარება, თუმცა დეტალები არ დაუკონკრეტებია.
გამოცემის ცნობით, ტრამპის და ზელენსკის საუბარს, რომელიც 25 წუთს გრძელდებოდა, ამერიკელი მილიარდერი ილონ მასკიც შეუერთდა, რომელიც, თავის მხრივ, დაჰპირდა უკრაინას, რომ დაეხმარება „სტარლინკის“ სატელიტებით.