"როგორ ვდარდობ, რომ პირადად ვეღარასდროს შევხვდები... სწორედ ამის გამო შეწყდა ეს დიდი გულად ქცეული ადამიანის სიცოცხლე" - რას წერს მიხეილ სააკაშვილი გია ხარჩილავას შესახებ?
"როგორ ვდარდობ, რომ პირადად ვეღარასდროს შევხვდები (გია ხარჩილავას)... მისი დროშა ჩვენ უნდა ავიტაცოთ უახლოეს დღეებში და კვირებში, ჩვენს ქუჩებში და მოედნებზე. ჩვენი თავისუფლების წართმევის გარდა, მისი სიკვდილი არ უნდა შერჩეს დიქტატურას. გავიმარჯვებთ სახელოვნად გია ხარჩილავას გულისთვის!", - ამის შესახებ ყოფილი პრეზიდენტი მიხეილ სააკაშვილი სოციალურ ქსელში წერს.
სააკაშვილის თქმით, ის გია ხარჩილავას მხოლოდ ტელევიზიით და მიმოწერით იცნობდა, მაგრამ ესეც საკმარისი იყო, რომ მისი ადამიანობის შესახებ გაეგო.
"გია ხარჩილავა იყო ჩემთვის ძალიან საყვარელი პატარა ქალაქის წალენჯიხის მერი და ერთდროულად ერთადერთი ოპოზიციური მერი საქართველოში, მაგრამ ამასთანავე, ის იყო ძალიან დიდი ადამიანი, ღრმად განსწავლული, ბრწყინვალე ორატორი და უერთგულესი თანამებრძოლი.
მე მას ვიცნობდი მხოლოდ ტელევიზიით და ჩემი მასთან მიმოწერით, მაგრამ ესეც საკმარისი იყო გამეგო, რომ უბრალოდ გულიანი ადამიანი კი არა, ერთი დიდი გული იყო.
არჩევნების შემდეგ საათებში და დღეებში ინტენსიურად ეკონტაქტებოდა ჩემს ახლობლებს და ძალიან განიცდიდა, რომ ვერ შეძლო არჩევნების მიტაცების სპეცოპერაციის შეჩერება. სწორედ ამის გამო შეწყდა ეს დიდი გულად ქცეული ადამიანის სიცოცხლე.
როგორ ვდარდობ, რომ პირადად ვეღარასდროს შევხვდები...
მისი დროშა ჩვენ უნდა ავიტაცოთ უახლოეს დღეებში და კვირებში, ჩვენს ქუჩებში და მოედნებზე. ჩვენი თავისუფლების წართმევის გარდა, მისი სიკვდილი არ უნდა შერჩეს დიქტატურას.
გავიმარჯვებთ სახელოვნად გია ხარჩილავას გულისთვის!" - წერს სააკაშვილი.
მიმდინარე წლის 2 ნოემბერს 55 წლის ასაკში, წალენჯიხის მუნიციპალიტეტის ოპოზიციონერი მერი გია ხარჩილავა გარდაიცვალა. ის დილით საკუთარ სახლში გარდაცვლილი იპოვეს. არსებული ინფორმაციით, ხარჩილავას გარდაცვალების მიზეზი თრომბი გახდა.