წალენჯიხის მერი გია ხარჩილავა გარდაიცვალა - პალიტრა ვიდეო

წალენჯიხის მერი გია ხარჩილავა 54 წლის ასაკში გარდაიცვალა. სამწუხარო ინფორმაცია სოციალურ ქსელში ვრცელდება.

ის დღეს დი­ლით სა­კუ­თარ სახ­ლში გარ­დაც­ვლი­ლი იპო­ვეს. წი­ნას­წა­რი ვერ­სი­ით, მი­ზე­ზი შე­საძ­ლოა თრომ­ბი იყოს.

"წალენჯიხის მუნიციპალიტეტის მერი გია ხარჩილავა გარდაიცვალა.

ვუსამძიმრებთ ოჯახს, ახლობლებს და სრულიად წალენჯიხას" - ნათქვამია ჯვარის საინფორმაციო ცენტრის ინფორმაციაში.

ცნობისთვის, გია ხარჩილავა 1970 წელს დაიბადა. მან 1991 წელს დაამთავრა საქართველოს ტექნიკური უნივერსიტეტის მექანიკა-მანქანათმშენებლობის ფაკულტეტი. 2006–2010 წლებში იყო წალენჯიხის მუნიციპალიტეტის საკრებულოს თავმჯდომარე. 2021 წლის ადგილობრივი თვითმმართველობის ორგანოების არჩევნებში ხარჩილავა ერთადერთია ოპოზიციის წევრებს შორის, ვინც თვითმმართველობის არჩევნებში გაიმარჯვა და წალენჯიხის მერი გახდა.