რა ღირს რუსთაველის გამზირისა და მთაწმინდის პარკის დამაკავშირებელი ახლადგახსნილი საბაგიროთი მგზავრობა და შესაძლებელია თუ არა თანხის გადახდა საბანკო ბარათით
რუსთაველის გამზირისა და მთაწმინდის პარკის დამაკავშირებელი საბაგირო გზა 18 ოქტომბერს გაიხსნა.
მოქალაქეები სოციალურ ქსელში უკმაყოფილებას გამოთქვამენ, ტარიფებთან და გადახსნის სისტემასთან დაკავშირებით. საბანკო ბარათებით გადახდა შეუძლებელია, რაც რიგებს ქმნის.
გადახდა დასაშვებია მხოლოდ მთაწმინდის სპეციალური ბარათი. მგზავრობის ღირებულებაც 12 ლარია, თუმცა ამ ეტაპზე მოქმედებს ფასდაკლება - საქართველოს მოქალაქეებს 3 ლარად შეუძლიათ საბაგიროთი სარგებლობა.
მერიის ცნობით, რუსთაველი-მთაწმინდის პარკის მარშრუტზე მგზავრებს 21 ერთეული 8-კაციანი გონდოლა მოემსახურება.პროექტის საერთო ღირებულება 50 მლნ ლარია.
რუსთაველი-მთაწმინდის საბაგირო ათწლეულების განმავლობაში არ მუშაობდა. 1990 წლის 1 ივნისს საბაგიროზე მომხდარი ავარიის შედეგად 19 ადამიანი დაიღუპა და 42 დაშავდა.