"თქვენ თუ ფიქრობთ, რომ ცოლ-ქმრობა რუსული მოვლენაა..." - რა უპასუხა შალვა პაპუაშვილმა ჟურნალისტს "ქართული ოცნების" ახალი საარჩევნო კლიპის შესახებ დასმულ კითხვაზე - პალიტრა ვიდეო

თქვენ თუ ფიქრობთ, რომ ცოლ-ქმრობა რუსული მოვლენაა, მაშინ შეგვიძლია ვთქვათ, რომ ოჯახი და ცოლ-ქმრობა არის რუსული მოვლენა. სასაცილოა უბრალოდ, აბსოლუტურად სასაცილო, - ასე უპასუხა საქართველოს პარლამენტის თავმჯდომარემ შალვა პაპუაშვილმა ჟურნალისტის კითხვას, რომელიც „ქართული ოცნების“ საარჩევნო კლიპის შინაარსის, რუსეთში 2018 წელს გამოყენებულ საარჩევნო კლიპთან დამთხვევას ეხებოდა.

ამასთან, პაპუაშვილის თქმით, ის მოხარულია, რომ ამ კლიპით ბევრი დაინტერესდა და სოციალურ ქსელშიც ბევრი აზიარებს, რადგან ეს ადამიანები გაიგებენ „რა ჭაობს და ბოროტებას შეიძლება უჭერდნენ მხარს“.