დატბორილი ქუჩები, ეზოები და საცხოვრებელი სახლების სარდაფები - ძლიერმა წვიმამ ფოთში პრობლემები შექმნა
ფოთში ძლიერმა წვიმამ პრობლემები შექმნა.
უხვი ნალექის შედეგად დაიტბორა რამდენიმე ქუჩა, ეზოები და საცხოვრებელი სახლების სარდაფები.
ზიანი მიადგა საქალაქო ინფრასტრუქტურის ნაწილსაც.
მერიის ინფორმაციით, შესაბამისი სამსახურები ქალაქის სხვადასხვა უბანში არსებულ ვითარებას ეცნობიან, აქტიურად მუშაობენ სტიქიით მიყენებული ზიანის აღმოსაფხვრელად და შემდგომი დღეების განმავლობაშიც გაგრძელდება სამუშაოები.
"პარალელურად, შექმნილია ჯგუფი, რომელიც სტიქიის შედეგად მიყენებულ ზარალს დაითვლის და უმოკლეს პერიოდში გაიცემა კომპენსაციები", - აცხადებენ მერიაში.