"ასეთია ჩვენი პოლიტიკური გუნდის გადაწყვეტილება" - ირაკლი კობახიძემ კულტურისა და სპორტის ახალი მინისტრი წარადგინა - პალიტრა ვიდეო

კულტურისა და სპორტის ახალ მინისტრად თინათინ რუხაძე დაინიშნა. თინათინ რუხაძე ამ დრომდე ეროვნული სასახლის დირექტორის თანამდებობას იკავებდა.

კულტურის მინისტრის პოსტი ვაკანტური მას შემდეგ გახდა, რაც თეა წულუკიანი „ქართულმა ოცნებამ“ საარჩევნო სიაში დაასახელა.

პრემიერმა, ასევე, წარადგინა მინისტრის პირველი მოადგილე, შალვა გოგოლაძე, რომელიც სპორტის მიმართულებას უხელმძღვანელებს.

შალვა გოგოლაძე იქნება კულტურისა და სპორტის მინისტრის პირველი მოადგილე, სპორტის სამინისტროს ცალკე გამოყოფის შემდეგ კი სპორტის მინისტრის თანამდებობას დაიკავებს, – განაცხადა კობახიძემ დღევანდელ ბრიფინგზე.