"ეს კიდევ უფრო სკანდალურია" - რას ამბობს შალვა პაპუაშვილი - პალიტრა ვიდეო

საერთო ჯამში, ამ ყველაფერმა აჩვენა ერთი რამ, რომ მათ სინამდვილეში მშვიდობიანი გზა ტერიტორიული მთლიანობის აღდგენისა არც კი ესახებათ - ეს გვაჩვენებს ერთ რამეს, რომ ოპოზიციის და ამ NGO-ებისთვის ევროპული გზა არის გზა აფხაზების და ოსების გარეშე, - ასე შეაფასა საქართველოს პარლამენტის თავმჯდომარემ, შალვა პაპუაშვილმა, გამოხმაურება, რომელიც „ქართული ოცნების“ საპატიო თავმჯდომარის მიერ გორში გაკეთებულ განცხადებას მოჰყვა, რომლის თქმითაც: „ჩვენ აუცილებლად გამოვძებნით საკუთარ თავში ძალას, რათა ბოდიში მოვიხადოთ იმის გამო, რომ დავალების შესაბამისად, მოღალატე „ნაციონალურმა მოძრაობამ“ 2008 წელს ცეცხლის ალში გახვია ჩვენი ოსი დები და ძმები“.

პაპუაშვილი მიიჩნევს, რომ ოპოზიციამ ამ შემთხვევაშიც აჩვენა თავისი სახე და ის, რომ მზად არის ყველა საკითხით სპეკულირებისთვის, მათ შორის, გმირების სახელების უკან ამოფარებისთვის.