სტამბოლში ქართველი ქალი მოკლეს - რა არის ცნობილი სასტიკად ჩადენილ დანაშაულთან დაკავშირებით
სტამბოლში ქართველი ქალი მოკლეს - შემთხვევა ბეიოღლუს რაიონში, ერთ-ერთ სასტუმროში მოხდა. ადგილობრივი მედიის ცნობით, ქალს თავისმა შეყვარებულმა სცემა. პირველადი დახმარება მას სასწრაფო სამედიცინო დახმარების ჯგუფებმა ადგილზე გაუწიეს, შემდეგ კლინიკაში გადაიყვანეს, თუმცა მისი გადარჩენა ვერ მოხერხდა. მედია ასევე წერს, რომ სავარაუდო დამნაშავემ შემთხვევის ადგილიდან გაქცევა სცადა, თუმცა მას სასტუმროს თანამშრომელი აედევნა და დააკავა. მომხდართან დაკავშირებით მიმდინარეობს გამოძიება.